2016年7月14日 星期四

《香辣咖喱炒藜麥》

上星期嘅藜麥沙律大受歡迎! 好多客人試完之後都話藜麥口感比想像中好!好到就連72歲伯伯都話屋企人食過都讚好!👍🏻

其實藜麥除咗可以做沙律,亦都可以取代五穀類作為主糧。藜麥口感較煙韌,而且粒粒分明,唔會黏埋一齊,用嚟炒飯就一流!

我好鍾意煮炒飯,因為將廚房裏面嘅剩餘食料,全部炒匀,20分鐘就食得!簡單方便又快捷!今次仲加咗惹味嘅咖喱粉,一碟香噴噴嘅香辣咖喱炒藜麥就咁誕生啦!食得健康就係咁簡單☺




材料: 
藜麥 60克 
清水 1碗 

鹽 1/4茶匙 
洋蔥 半個 

蒜頭 2粒 
雜菜 半碗 
低脂火腿片 4片 
提子乾 2湯匙 
咖喱粉 1茶匙 
糖 1/2 茶匙 
油 1茶匙


做法: 
1. 藜麥浸泡30分鐘,洗淨,瀝乾。


2. 清水、藜麥和鹽加入鍋中,加蓋,用細火煮12-14分鐘,中途偶爾攪拌。熄火,加蓋焗五分鐘,等藜麥充分吸收水份。 


3. 同時準備其他材料。將火腿片切粒。蒜頭和洋蔥去衣,切細粒。 燒熱易潔鑊,下油,慢火炒香洋蔥至軟身。 


4. 順序加入蒜頭、火腿和雜菜,用中火炒香。 

5. 加入已熟的藜麥和提子乾炒勻,加入咖喱粉和糖調味,炒至乾身,即成。



份量換算: 3份五穀 + 2份蛋白質+ 1 份蔬菜 + 1 份水果+ 1 份脂肪

2016年6月9日 星期四

《士多啤梨芝士乳酪雪條》


天氣咁熱,忍唔住自製健康天然雪條!不用忌廉、不用色素,只要將所有材料放入攪拌器攪勻,放入雪條模,雪過夜就食得啦!每條只係104kcal! 酸酸甜甜嘅士多啤梨雪條,慢慢滲透出蜜糖和芝士味,絕對係消暑透心涼之選!



材料(3條):
士多啤梨一碗
低脂原味乳酪100克
低脂忌廉芝士65克
蜜糖30克(可隨自己試味而調教份量)

做法:
1. 士多啤梨洗淨,去蒂。預留三片心形士多啤梨。


2. 將餘下的士多啤梨、低脂原味乳酪、蜜糖和低脂忌廉芝士放入攪拌機中攪勻。倒出,撥走表面的泡沫,成芝士乳酪漿。

3. 將心型士多啤梨片放入雪條模,再倒入芝士乳酪漿到雪條模中至9成滿。放入雪櫃雪藏過夜,脫模,即成。

做出靚靚士多啤梨雪條秘訣:

1. 倒入芝士乳酪漿後,記住用叉子將士多啤梨片按壓在雪條模,否則雪藏後便看不到士多啤梨了。

2. 倒入芝士乳酪漿到雪條模中至少要到9成滿。否則雪條棍與芝士乳酪漿之間有空隙就不漂亮了!



營養分析(每份):

熱量:   104卡路里
碳水化合物:  14.9克
蛋白質:  3.6克
脂肪:  3.6 克



Gloria 的份量對換(每份):



奶類 : 1 份
水果類: 0.5份

《南瓜大蝦黃金飯(簡易電飯煲食譜)》

大家打算今晚煮乜餸?同大家再分享多一個高纖美顏食譜 - 南瓜大蝦黃金飯!好簡單地將配料炒5分鐘,放入電飯煲,同白飯一齊煮就食得啦!方便快捷又好味!

(我試過有個客偷懶,直接將所有配料一次過放入電飯煲,佢話屋企人都大讚好好味!)

新增說明文字

2016年5月29日 星期日

《黑蒜紅棗雲耳蒸雞》


酸酸甜甜的黑蒜,加上紅棗和冬菇,令整道蒸雞味道非常豐富有層次!只要將所有材料拌勻,蒸十分鐘就食得。簡單方便又好味,是廚房新手必學菜式之一!



材料:
去皮雞脾肉 200克
紅棗 3大粒
黑蒜 2 粒
雲耳 5克
冬菇 3隻
芫荽 (裝飾)

雞脾肉醃料:
生抽 2茶匙
鹽1/4茶匙
糖 1 茶匙
粟粉1湯匙
紹興酒 1茶匙
薑汁 1茶匙
麻油 1茶匙

做法:
1. 雞脾肉洗淨,去皮,切成小件。用醃料拌勻,醃30分鐘。
2. 紅棗去核,切片。
3. 黑蒜去衣,切片。
4. 雲耳用水浸發30分鐘,盛起。

5. 將準備好的雞肉、紅棗、雲耳及黑蒜一同拌勻,放在蒸盤上,灑上薑絲。

7. 用大火蒸10-15分鐘,即成。

營養小貼士:
黑蒜是近年大熱的營養食品,內含豐富抗氧化素(S-Allylcysteine)。而紅棗和雲耳都有豐富鐵質,令面色更紅潤和改善手腳冰冷。

份量:
5份蛋白質+ 1 份蔬菜+ 1 份脂肪

2016年5月23日 星期一

《咖哩蔬菜蛋包飯》

「快樂家庭秘笈」終於出版啦,免費派發俾大家!🎉🎉🎉🎉🎉為大家提供16款好「煮」意,鼓勵大家享受多啲溫馨又健康嘅時間~
我好榮幸收到香港社會服務聯會嘅邀請,我都分享咗四個食譜。其中一個係日式咖哩蛋包飯,煮法非常簡單,而且係素食,非常適合今日Green Monday! 圖片有低卡咖喱粉和純素咖喱磚介紹!

2016年5月13日 星期五

《鮮果乳酪麥皮 愈食愈精神飽肚》



今朝有新聞報道《清淡早餐急call睡魔 愈食愈攰真相大白》,並介紹大家食麥皮做早餐。但可能朝早大家趕住返工返學,未必有時間煮。

其實食麥皮唔駛煮都得!而且可以整得好好味!我最愛整鮮果乳酪麥片(overnight oat)! 簡單高纖又飽肚,仲有助降膽固醇添!

以下係10分鐘做法,第二朝一起身就有得食,趕時間嘅朋友仲可以拎出街,拎返公司先食添!

報導連結: http://topick.hket.com/article/1423548/%E6%B8%85%E6%B7%A1%E6%97%A9%E9%A4%90%E6



做法: 前一晚將半碗原粒麥皮和半杯脫脂奶拌勻,再加入一碗士多啤梨乳酪,然後放入雪櫃雪藏,搞掂!
乳酪可選用Yoplait forme 低脂乳酪或自已製作(將 1盒(125g)低脂原味乳酪加入 1碗新鮮士多啤梨及 1隻細香蕉,再放入攪拌機攪勻)。(2016新改良食譜)

份量換算: 406kcal (3份水果+ 1.5 份奶類+ 2 份五穀類)



做法2: 前一晚將半碗原粒麥皮和半杯脫脂奶拌勻,再加入一碗原味低脂乳酪(可加入2個熱情果拌勻,不喜可略),然後放入雪櫃雪藏。第二朝加入一碗芒果粒,即可享用。

份量換算:403kcal ( 3份水果+ 1.5 份奶類+ 2 份五穀類)

2016年4月24日 星期日

《自製低卡egg benedict》

好多朋友又怕肥,但又好鍾意食egg benedict。所以我決意要整一個低脂版!

我試過網上好多食譜去調製低脂荷蘭醬,用過脫脂蛋黃醬、低脂乳酪、低脂牛油⋯結果味道都大失所望。

最後決定用返最純正最香嘅牛油,只係減少用嘅份量姐!結果味道和質感都令人非常滿意,有好濃嘅牛油和蛋黃香~ 一份只係 415kcal,偶然食下都唔會影響減肥進度丫~




材料:(2人份)
英式鬆餅(English muffin) 2個
低脂火腿片 4片
雞蛋 4隻

荷蘭醬材料:
蛋黃 2隻
澄清牛油 20g(無鹽牛油 40g)
檸檬汁 1茶匙
鹽 少量
清水 1-2湯匙

做法:
1. 將無鹽牛油放在小碗中, 入微波爐,加熱15-25秒至牛油溶掉,靜置於室溫,忌廉會沉底,用湯匙取上層的澄清牛油。需約4茶匙。

2. 將清水加入大鍋中,以慢火保持暖和。置大盤在大鍋上,小心大盤不留直接痛到啲水碰到熱水不然會將接着下來的荷蘭醬中的蛋黃煮熟。將蛋黃加入大盤中,隔熱水將蛋黃微微加熱,手持打蛋器不停將蛋黃打發,將空氣打入蛋黃,令蛋黃變稠密。

3. 分三次把澄清牛油加入蛋黃中,並不停打發,至醬汁變得更稠密。加入檸檬汁和鹽調味,成荷蘭醬,座暖水備用。
4. 微波爐煮水波蛋:http://eatwellcookwellgloria.blogspot.hk/2015/10/blog-post_10.html?m=1

5. 將低脂火腿片加入熱水或微波爐加熱。
6. 將英式鬆餅向橫切成一半,放入焗爐烘脆。
7. 取出英式鬆餅,放上低脂火腿片,再放上水波蛋。
8. 將一至兩湯匙清水加入荷蘭醬,至自己喜歡的稠密度。淋在水波蛋上,即可享用!

熱量:415卡
換算:2份五穀類+3份蛋白質+2份脂肪