有「營」食肆 - 「南小館」

Hayley無奈表示：「兩個人叫咁多嘢，點食得晒？」

冇計啦！要幫大家發掘一下「有營食肆」嘛，唯有叫多啲啦！即使係同一個菜式，唔同餐廳所用嘅油份同份量都唔一樣。而且我覺得食物健康得嚟都必須要好食！如果連我哋兩個都覺得難食，又點可以介紹俾大家呢？

減肥期間，去食上海菜有咩健康選擇？今次我哋去咗「南小館」，有馬蘭頭、醉雞、蝦肉雲吞湯麵、海蜇頭青瓜、燉牛展湯等等。已經幫大家換算晒份量，寫晒係每一張相下面，大家可以安心食啦！

而最終我哋兩個竟然一滴不留地食晒⋯就知道其實啲嘢食都好食啦！減肥都可以好開心嘅！

呢度去咗骨去左皮之後，大約5份肉～

一碟= 一份蔬菜+一份蛋白質+一份油

1碗= 5份五穀加1.5份蛋白質

估唔到個份量都幾多！有4分肉咁多！

今次仲叫咗海蜇頭青瓜，但今次實在太肚餓，竟然唔記得咗叫「走辣油」！大家下次記住啦！

一碟（走油）= 一份蛋白質加半份蔬菜

至於酸辣湯，就唔建議大家食啦！我問咗呢間餐廳嘅廚師，因為要落多油嘅豆瓣醬，之後會再落辣油，而且鹽分又高！