《蕃薯千層酥皮卷 護眼美顏兼抗皺》

去果欄用咗日本安納芋番薯，香甜不膩，質感非常濕潤綿密，為我近期極力推介！我用自製紫薯蓉同低脂鬆脆嘅酥皮包住整條金黃色嘅蕃薯，成蕃薯千層酥皮卷，既酥脆香甜，又可以護眼美顏兼抗皺！

紫心同黃心蕃薯各有各自己嘅營養素，所以兩種都應該多啲食！紫心蕃薯有豐富嘅花青素，係強勁嘅抗氧化營養素，有助護眼、抗皺、抗老化。而黃心蕃薯則有胡蘿蔔素，有助增強免疫力同預防夜盲症，仲可以平衡皮膚油脂分泌添！

材料：
紫心蕃薯 180克（約1大條）
低脂煉奶 1 湯匙
黃心蕃薯 180克（約2條）
低脂酥皮FILO pastry 6片
低脂牛油 4茶匙

做法:
1. 將焗爐預熱至190度。
2. 紫薯洗淨，原條隔水蒸熟，去皮，用鐵湯匙壓成蓉。加低脂煉奶拌勻，成紫薯餡備用。

3. 黃心蕃薯用擦洗淨，原條隔水蒸熟，切去頭尾，留約4-5吋。

4. 將酥皮切半，成大小均一的酥皮。第一層的酥皮用掃掃上牛油溶液，再蓋上第二層，重覆此步驟至第六層。

5. 將黃心番薯茸用紫薯蓉完全包住，放在酥皮一端，再用酥皮包住，在最尾端掃上牛油黏着酥皮。在表面再掃上牛油，灑上芝麻。

6. 放入焗爐烤焗約15分鐘至金黃色，即成。