《一底雞蛋仔 熱量相等於兩碗飯》

尋日去咗筲箕灣老人院講健康講座，老友記都非常精靈！

難得去到筲箕灣，終於有機會試低調高手嘅雞蛋仔！嘩嘩嘩，好耐冇食過咁好味嘅雞蛋仔喇！外皮鬆脆香甜，內裏軟熟濕潤，仲有好香牛油味！原來我本身諗住食一半，但真係忍唔住食晒！

咁就無啦啦食咗400卡路里！好多客人聽到咁高熱量都非常驚訝，話雞蛋仔好乾身，唔似夾餅咁多煉奶、牛油、花生醬。不過雞蛋仔嘅粉漿係用牛油砂糖去製造，所以都係邪惡食品！如果想要抵消熱量，就要食少兩碗飯，或者去跑返一個鐘頭啦！