《明目養生飲料 - 杞子菊花茶》

我出名「機不離手」，行街食飯搭車都掛住用電話覆WhatsApp。最近仲要成日對住電腦整講座用嘅PowerPoint，搞到隻眼好攰好乾。所以我會食返啲超級食物(superfood) - 「杞子」。

中醫師經常話食杞子明目，原來係有西方科學根據架！杞子內嘅維他命A比紅蘿蔔仲要高，而且仲有豐富嘅「玉米黃素」，兩者對維持視力、預防黃斑病變和夜盲症都好有幫助！再加上杞子嘅抗氧化能力非常高，有助養顏抗衰老！難怪近年外國都流行食杞子，連明星麥當娜同名模Miranda Kerr都紛紛追捧啦添！

所以想眼仔精靈有神，可以學我咁用燘燒杯/保暖杯焗杞子菊花茶，既簡單又方便！只要將兩湯匙嘅杞子同菊花放入燘燒杯，再加入滾水，閂埋個蓋，焗10分鐘就飲得啦！清香嘅菊花亦有助紓緩壓力，醒腦提神！成日玩手機用電腦嘅你都不妨試吓吖！