《營養師推介 - 「真。抗氧化朱古力」》

❤️《營養師推介 - 「真。抗氧化朱古力」》❤️

情人節就黎到啦，究竟要點先揀到「真。朱古力」呢？ 有咩朱古力真係有抗氧化能力，對心臟健康同令人開心啲？有咩「假。黑朱古力」係高糖低抗氧化？

首先，要解釋一個大家對朱古力嘅誤解！好多人都以為黑朱古力會冇咁肥，不過原來黑朱古力越高濃度，可可脂會越多，所以熱量同牛奶朱古力、白朱古力都差唔多！😱😱😱

每100克的熱量
黑朱古力 (70-85%) 598 kcal
牛奶朱古力 579 kcal
白朱古力 539 kcal

不過若要對比佢哋嘅營養價值，當然黑朱古力嘅黃酮類同前花青素最多，所以抗氧化能力最高！有多份研究顯示，食適量黑朱古力或有助控制血壓、改善情緒，甚至對皮膚都好啲！

要選擇最健康嘅朱古力（唔係最低卡），大家可以留意2大條件：

❤️1. 成分表內沒有棕櫚油/氫化植物油。
為咗令朱古力口感更順滑同延長保質期，好多廠家都會特別添加油份，例如可可脂、棕櫚油或氫化植物油。雖然可可脂都含飽和脂肪，但研究指佢有三分之一為硬脂酸（stearic acid)，對膽固醇嘅影響較低。而另外兩隻油有較多反式脂肪和飽和脂肪，長期食會令膽固醇上升！而且提大家一句，用可可脂整嘅朱古力更會有「入口即溶」嘅口感，會更好味！

❤️2. 選擇有寫明可可成分佔70%以上的朱古力。
個包裝寫明係黑朱古力，就代表有多可可？
NO! 市面上有啲黑朱古力糖分佔50%，黑朱古力只係代表佢比較苦澀，仲有可能係因為落咗調味劑添！要選擇有高抗氧化能力嘅朱古力，就要選擇係包裝上寫名可可成分佔70%以上嘅「真。黑朱古力」！

拿拿拿⋯不過朱古力嘅熱量都真係好高，所以想食得健康又唔肥，平時每日食最多10-20克（約1-2片）好喇！ 情人節就⋯⋯哈哈破例一次啦！希望大家都過一個甜甜蜜蜜嘅情人節啦！💕💕💕

我幫大家行咗幾間超市，去揀「真。黑朱古力」，大家可以參考吓！
同時間我影咗左幾款黑朱古力係高糖低抗氧化，大家可以睇吓平時有冇食錯！😊😊