《慳錢有營午餐7- 紫菜墨魚米》

無論幾忙都好，我都會預留半個鐘俾自己食lunch，如果唔係個人就會好憫好燥，仲會減慢新陳代謝添！最多咪趕啲，衝去公司對面間「文輝」食碗墨魚丸墨魚米粉，又低脂又好味！

好多人都以為，想健康想keep fit就唔食得墨魚。但其實墨魚係一個低脂優質嘅蛋白質！
其實每100克墨魚只有158kcal ，1.6克脂肪，比瘦豬肉片嘅脂肪低80%！

雖然墨魚有224毫克膽固醇，但美國心臟協會已經刪除對高膽固醇低脂肪食物嘅建議上限，認為一般健康人士適量進食墨魚雞蛋等，都唔會影響血內膽固醇。反而要減少食牛腩、貢丸等高飽和脂肪嘅食材！

所以大家下次識得揀啦！加埋紫菜/菜就更高纖更有營！所以其實「識食」，就可以美味與健康兼備！

#慳錢系列 #減肥都可以食得平 #食得飽