《一分鐘叮叮食譜 四款無油炒蛋》

微波爐除咗煮水波蛋外，其實仲可以炒蛋架！而且唔駛用油，健康得黎又方便，食完嘅用具簡單用水沖一沖就得啦! 你仲可以加入火腿和低脂芝士、車厘茄或磨菇，再撒上自己鍾意嘅鹽和香草增添風味添！

做法:
1. 將一隻雞蛋打入一個細碗內，加入一湯羹牛奶，打發至均勻。（可以隨自己喜好加入1湯匙火腿粒、1湯匙低脂芝士、2粒磨菇或2粒車厘茄）
2. 放入微波爐，用1200Watts叮15秒，用叉輕力攪勻蛋漿，以確保雞蛋平均受熱。之後再叮10秒，攪拌。再叮5秒，攪拌，重覆此步驟至你鍾意嘅熟度就可以喇（我用特大雞蛋，共用了15+10+5+5+5+5秒）。
3. 加上鹽、黑椒或自己鍾意嘅香草調味，香滑嘅炒蛋就準備好啦！

叮咗15秒

再叮咗10秒

 再叮多5秒

叮咗15+10+5+5+5+5秒

 小秘訣: 

1. 我用le creuset 細碗，食完完全唔黏底，用水沖一沖就得喇，唔駛加洗潔精添呀！

2. 底部嘅蛋漿通常都未煮熟，而面層和貼近碗外圍嘅蛋漿就熟晒，所以一定要每次叮完時，將雞蛋180度反轉和攪拌，咁先可以令蛋漿受熱平均。