《杏仁奶 vs. 牛奶 護心美顏杏仁奶》

喺澳洲歐美地區，杏仁奶非常受歡迎! 好多明星和素食者都追捧杏仁奶，聲稱有助減肥同對心臟健康！係澳洲超級市場貨架上，杏仁奶仲多過牛奶呢！究竟杏仁奶有幾好？ 而杏仁奶嘅營養價值係咪真係可以完全取代牛奶呢？

先講講杏仁奶係咩嚟先！原來杏仁奶中係無奶嘅成份㗎，只係杏仁加水打磨而成。 

以下係脫脂奶和杏仁奶（無糖加鈣）嘅營養成分比較：

每一杯(250毫升) 的營養成份		脫脂奶	杏仁奶(無糖加鈣)
熱量  (卡路里)		86	39    勝!
蛋白質  (克)		8.4    勝!	1.6
脂肪  (克)		0.2	2.9    勝!
不飽和脂肪  (克)		0.1	2.8    勝!
鈣質  (毫克)		504   平手	516   平手
維他命E  (毫克)		0.02	7.36   勝!

 營養分析: 

1. 雖然杏仁大部份都係脂肪，不過因為杏仁奶係加咗大量水份製造，所以較稀釋，熱量較低，不失為減磅朋友嘅好選擇。

2. 牛奶含豐富嘅優質蛋白質，有助修補肌肉和細胞增強免疫力。 

3. 杏仁奶含有大量不飽和脂肪，每日一至兩杯有助降低膽固醇，有益心臟健康。脫脂奶則不含脂肪，不會增加或降低膽固醇。 

4. 脫脂奶含天然鈣質，而杏仁奶則需要人工添加，不同牌子的杏仁奶添加的鈣質成份都有差異，要小心選擇。 

5. 杏仁奶提供維他命E，可以幫助抗氧化，加上優質嘅脂肪，飲完皮膚都靚啲啦！ 

兩者各有各好處，所以最好就每日一杯牛奶再加一杯杏仁奶啦！對於純素食者朋友，又或者有乳糖不耐症或對牛奶敏感嘅朋友，杏仁奶會係比較好嘅選擇，咁就要記住其他時間補充足夠蛋白質啦！同埋記住以下兩個選購小貼士：

1.杏仁奶嘅天然鈣質比牛奶低，所以購買杏仁奶時，記住留意標籤上有添加咗鈣質先好買啊！ 

2. 市面上有好多杏仁奶都添加咗糖，想控制體重嘅朋友最好買無添加糖啦！ 

以下係一啲可以喺大型超級市場(jason's , marketplace, citysuper) 可以賣到嘅牌子: