《BBQ 四大健康小貼士》

最近朋友聚會離唔開BBQ打邊爐，想燒得健康啲？等我介紹四大類健康食物俾大家啦！😋
1. 蛋白質類：燒大蝦、帶子、大蜆、秋刀魚等海鮮。低脂高蛋白又好味！燒6隻咁大嘅大蝦（約30卡），先等於2隻蜜糖雞翼！
2. 澱粉質：麵包、蕃薯、粟米。我一開始就會燒麵包，貪佢快同飽肚嘛！不過唔搽蜜糖又點會好味喎！少少啦，一茶匙蜜糖有大約20卡，2片法包（如圖）加一茶匙蜜糖，先等於90卡，只係等於1條雞尾腸熱量姐！
3. 蔬菜類：三色椒、蘑菇、大啡菇、娃娃菜。誠意推介呢隻迷你三色椒！只係輕輕燒一燒已經好好味！超juicy! 而且蘑菇只係加半茶匙牛油、少少鹽同埋黑椒，就好香好好味！食兩包就好飽肚！
4. 水果：燒香蕉/菠蘿。將隻香蕉連皮用錫紙包住，放喺火爐邊，香蕉會變腍變香！另外我會之前之後食高維他命C嘅水果（奇異果、橙），中和致癌物質。
其實咁樣食，唔單止可以控制卡路里，令大家越食越fit。食多啲蔬菜水果仲會有多啲抗氧化營養素，有助中和因燒烤產生嘅致癌物（HCAs & PAHs)添！
Happy New Year! 祝大家新一年笑口常開、健健康康！🎊🎊🎊😘😘

 

 

 

 

•