《驚人研究發現! 早餐唔夠蛋白質會令肌肉流失!?》

較早前喺澳洲醫院嘅講座分享，提到有新研究指出即使每日攝取咗足夠蛋白質，但若果全蛋白質嘅分佈量「唔平均」，會令肌肉流失！肌肉流失會令新陳代謝率同活動力下降呢！

今次研究中嘅健康成年人分為A,B兩組，攝取相同熱量和蛋白質份量（90克）。 A組早,午,晚餐蛋白質全日分佈為30克、30克、30克，而B組的分佈則係10克、15克、65克。結果發現B組測試者身體內嘅蛋白質合成(作修補肌肉和細胞用途)，竟然比A組少約25%！

雖然只係好初步研究，並要再進一步確定。但將全日蛋白質平均分佈喺三餐，比起唔平均來得更有效率! 所以唔好淨係食幾片白麵包或菠蘿包當早餐呀！晚餐食返多幾塊牛排就補唔返！更唔好skip早餐啊！

希望大家要特別關心下行動不便嘅長者，盡量要佢哋食多啲肉類或者雞蛋，唔好淨係食白飯。因為活動量少嘅人士同老人家嘅肌肉流失率會更為顯著！

聽完研究嘅第二日，我哋幾個營養師都即時分享左各自當日嘅高蛋白質早餐配搭做交流！我都可以係到同大家分享一下我今早嘅高蛋白質早餐丫～ 

Open Omelette with Ricotta Cheese 食譜: 

1. 將2隻雞蛋和鹽拌勻。

2. 用慢火燒熱平底鑊，落1茶匙牛油，將蛋液倒入鑊中後，用筷子不斷向中間推，拌炒至5分熟。

3. 放上6粒切半車厘茄和2湯匙ricotta芝士。稍煎至自己鍾意嘅熟度，放上火箭菜，上碟！

營養分析（每份）：

熱量:   289卡路里

碳水化合物:  6.8克

蛋白質:  18.0克

脂肪:  17.8 克

Gloria 的份量對換（每份）：

奶類: 1份

蛋白質類 : 2份

蔬菜類: 1份

脂肪類 : 1 份