《十分鐘自製健康版All day breakfast》

如果兩個人落cafe食早餐，分分鐘過$200，不如自己整個好食又健康嘅all day breakfast啦!

均衡的早餐應該包括1/4碟五穀類、1/4碟蛋白質類和1/2碟蔬菜。所以我今朝嘅早餐，就有兩片法包、兩隻滑溜炒蛋、煎蘑菇蕃茄和沙律菜，而且整份早餐只有518kcal！

妳想像一下，妳嘅Honey一起身見到呢碟豐富早餐，係幾咁感動呢！但背後準備時間只需要十分鐘咋！

快速準備法：

1. 用慢火燒熱平底鑊，落1茶匙牛油，煎香蘑菇蕃茄至軟身（約三分鐘），加一茶匙鹽和黑椒 調味。

2. 同時烘烤法包，並打發2隻雞蛋、2湯匙牛奶和半茶匙鹽備用。

3. 盛起蘑菇蕃茄，同一個鑊落1茶匙牛油，將蛋液倒入鑊中後，用筷子不斷向中間推，拌炒至5-7分熟，灑上黑椒，盛起。
4. 在碟中加入烘脆了的法包、滑溜炒蛋、煎蘑菇蕃茄和沙律菜，加一杯脫脂牛奶，what a good good good morning！