《飲咖啡唔會引致骨質疏鬆！（台北cafe推介）😋》

自從去「咖啡王國」澳洲讀完書，咖啡就完全成為咗我嘅comfort drink。悠悠閒閒地飲杯靚咖啡，我就會成個人平靜落嚟，輕鬆返晒😊

有間台北咖啡店極力推薦俾咖啡控，叫coffee lover's planet。裏面有好多種來自世界各地嘅咖啡豆，再加上唔同嘅沖法，一定有一款適合自己～我試咗由iced brewed coffee咖啡機沖泡嘅六款極品冰咖啡，有啲甘香，有啲有花香味，層次分明，回甘味濃郁。飲完仲可以買返香港做手信添❤️

好多人都問過我：「飲咖啡係咪唔好？會唔會導致骨質流失？」放心啦！其實有研究指，飲一杯咖啡只係會減少吸收大約2-3毫克鈣質，即係大約飲多一至兩湯匙嘅奶就已經可以彌補番！所以與其擔心飲咖啡會導致骨質疏鬆，不如考慮每日食返1000毫克鈣質，即係1-2杯高鈣飲品（奶/加鈣豆漿）再加綠葉菜、硬豆腐、沙甸魚啦！