《打風必備！3款較健康杯麵》

最近颱風一個接一個，唯有買定啲比較健康嘅杯麵「看門口」。減肥食杯麵都得？係！等我介紹幾款俾大家啦！

1. 最好食- 合味道light 杯麵！
一個只係199卡，比一般杯面少一半脂肪！我覺得個味道同質感都好正，同真正嘅杯面差唔多！不過都係一樣咁高鹽，食一個已經係全日嘅攝取上限（2000毫克），而且好多添加劑。 所以記住唔好飲晒啲湯，偶然食一個好啦！

2. 最天然低鈉-馬莎杯面！
一個大約三百幾卡路里，有喇沙、越式牛肉、冬陰公同日式拉麵。而且成份比較天然，大部份原料都係蔬菜同天然香料，鹽分只係全日上限嘅四成！我試食過都好好味，食完唔會好口喝！不過呢⋯就$29一個嘅⋯

3. 最低卡- 日清粉絲！
有泡菜味同雞肉香菇。每個約140卡，係三個裏面脂肪最低！我啲營養師朋友好鍾意食！不過一樣都係高鹽同多添加劑，記住唔好飲晒啲湯！

當然最好就呢幾日買定啲冰鮮肉、蔬菜同埋水果「看門口」，咁就更加營養均衡健康啦！