等我介紹舊靚豬肉俾大家- 水𦟌！

大家成日都話瘦肉好鞋好乾，梗係唔係啦！
等我介紹舊靚豬肉俾大家- 水𦟌！即係豬大脾內側肉，瘦得嚟又腍又滑，肉味又香濃，蒸同炒都得！

我本食譜書嘅拍攝當日，我買咗嚟整甜酸豬柳。煮出嚟香噴噴，一影完相就即刻俾人食晒！佢哋仲話，估唔到減肥都可以食啲咁好味嘅肉！