營養師為你逐一解構台式飲品! (附卡路里)

當上個星期日打8號風我都要返工，連續返咗13日工，日日放九點幾，我覺得點都要俾自己休息一下！今日放假！

啲客成日都話好忙好大壓力，求求其其食完一餐就算，我會好認真咁同佢地商量時間表同正餐選擇，語重心長咁同佢講：「女人唔保養下好易殘架！賺得再多錢，買再多嘅護膚品都補唔返！身體健康同精神就係最大嘅本錢！」

我寧願適量休息下，再精神奕奕咁返去見客，帶多啲正能量俾大家！所以今日就食咗一個好嘅brunch，除咗可以保持皮膚有光澤年輕，仲有助抵抗壓力添！

1. 牛油果 - 含維他命A、C、E、不飽和脂肪，可以平衡油脂分泌，保持皮膚年輕有彈性。亦有助減壓。
2. 三文魚 - 含奧米加三、蝦青素，可以滋潤皮膚同抵抗因壓力而形成的自由基。
3. 雞蛋- 含優質蛋白質和10多款營養素，有助皮膚修補。

最近開始轉天氣，皮膚容易甩皮乾燥，大家不妨考慮食多啲呢啲食物丫！其實出街食都可以食得好健康😋😋😋😋