《去水腫排毒！牛油果抺茶奶昔》

國慶同中秋節長假期開始啦！我已經安排左好多朋友同屋企人嘅聚會，大家係咪同我一樣呢？

我自己係大餐之前之後會食得健康啲，特別係鍾意飲呢個smoothie! 有一次我去完打邊爐，第二日因為水腫重咗兩磅，我即刻飲返呢個排毒去水蔬果汁，加埋另外兩餐食得清淡啲（壽司+返住家飯），第三日即刻輕返晒！

等我分享俾大家傍身！
1. 將2茶匙奇亞籽浸在半杯水中，攪拌後放入雪櫃過夜。奇亞籽會慢慢吸收水份膨脹。
2. 將半個牛油果+ 1 隻中型香蕉+ 1 杯脫脂奶+ 抺茶粉用攪拌器拌勻。加入奇亞籽，即成。

注意，圖片中只係有一半嘅份量，所以飲完2杯真係夠飽架！出街食難免少啲蔬菜水果，呢杯果汁已經等於全日建議水果份量，差唔多滿足你每日所需纖維嘅一半添！咁就唔怕肚谷谷啦！仲有維他命A、C、E、兒茶素，令你更容光煥發去出席聚會！

份量：約340卡（1奶 + 4水果 + 1脂肪）