《黑松露芝士雞蛋三文治》

要提升新陳代謝，一個均衡嘅早餐必不可少！
所以任何野都阻擋唔到我食早餐，今朝我就準備咗份《黑松露芝士雞蛋三文治》！

街外嘅一份芝士炒蛋三文治有4-6茶匙油，今日自己整就一茶匙牛油都唔使加！5分鐘搞掂，香脆嘅麵包配上流心芝士蛋，超好味超滿足！

5分鐘簡易做法：
1. 將一隻雞蛋打發，加小小鹽同半茶匙黑松露醬調味。
2. 將一片麵包放在三文治機上，加入雞蛋漿，放上一片芝士和另一片麵包。
3. 蓋上三文治機，待4分鐘即成！

熱量：345卡（1份奶類+ 3份五穀+1份蛋白質）