高膽固醇就咩都唔食得？梗係唔係啦！只係要識得揀姐！想食住降膽固醇？Easy Job!
第一，選擇含豐富不飽和脂肪嘅食物（橄欖油、三文魚、果仁），去取代飲食中嘅高飽和脂肪同反式脂肪嘅食物（牛油、肥膏、煎炸食物）。
第二，食多啲水溶性纖維嘅食物，例如每日食九湯羹嘅燕麥去攝取每日建議嘅三克嘅水溶性纖維，同埋食多啲蔬菜、水果、同乾豆！
仲有多一樣降膽固醇新星-「植物固醇」！佢嘅運作原理同作用同麥皮、橄欖油完全唔一樣！
植物固醇同膽固醇好「似樣」，所以同膽固醇食物一同進食時，可以阻隔膽固醇喺腸道內吸收，繼而降低血液中壞膽固醇水平。
全球超過70份臨床科研證實，若配合均衡飲食及適量運動，膽固醇偏高人士每日攝取約2克植物固醇，並持續3星期，有助降低壞膽固醇達7-10%。 連歐盟、澳洲心臟基金會、美國心臟協會等團體都建議持續飲用！
今年香港都有相關嘅研究，香港醫護學會喺6月至8月期間請咗20位志願人士，喺3星期內每日都飲1支倍樂醇乳酪飲品（一日2克植物固醇），9成參加者嘅壞膽固醇下降超過10%！
咁點先至可以食到一日兩克嘅植物固醇？植物固醇本身存在喺天然食物，包括大豆、果仁、豆類及穀類食物，不過含量好低，要每日食到150個蘋果先有可能達到建議份量。所以如果想達到降膽固醇效果，膽固醇偏高人士可以考慮每天持續飲添加咗植物固醇嘅飲品呀！祝大家越食越健康！
🤗🤗
🤗🤗
留言
張貼留言