均衡早餐

星期日悠悠閒閒食個豐富早餐,個人即刻開心晒!均衡健康嘅一餐,應該包括¼碟五穀類(麵包)、¼碟蛋白質類(雞蛋/無防腐劑無化學劑煙肉片)、½碟蔬菜類(羽衣甘藍、車厘茄)。
作為營養師,我自己好少食精製肉類。研究指出,每日食50克精製肉類會增加患上大腸癌風險18%。不過始終煙肉腸仔真係好好味,我總會心癢癢想食⋯咁就唯有一星期只係俾自己食一兩次啦!而且盡量揀一啲標明無化學劑嘅牌子!
平時食返多啲色彩繽紛嘅蔬菜水果,裏面有多元化嘅抗氧化物,可以抵抗致癌物質對身體嘅侵害。對我嚟講,世界上冇一樣食物係完全唔食得(除咗毒藥),最緊要控制分量,均衡飲食就得啦!


留言

熱門文章