奇異莓（kiwi berry）

我一向都鍾意食奇異果，因為有豐富維他命C，可以維持免疫力、維持皮膚彈性和美白！但喺公司切奇異果真係好麻煩⋯又要洗刀又要洗匙羹⋯唔驚！最近出咗奇異果BB ，洗乾淨之後，原粒連皮食就得啦！

呢隻叫奇異莓（kiwi berry） ，同奇異果係同一科，我覺得比綠色奇異果更加清甜！而一盒約96卡，相等於2份水果。

奇異莓有超過20種營養素，有多種抗氧化營養素。奇異莓都有分品種，當中有一款個皮有少少紅色嘅，切開啲果肉仲有少少紅。呢款會有多啲多酚類，有助維持夜間視力同抗氧化抗衰老！

而奇異莓比起綠色奇異果嘅維他命C更加高，食一盒已經接近成年人全日所需維他命C！而且因為連皮食，一盒奇異莓嘅纖維大約相等於兩個綠色奇異果或者四個黃金奇異果！

如果你想美白淡斑、預防便秘、維持皮膚年輕有彈性，不妨買來試吓！一般超市都有得賣！任何牌子都得！不過⋯差唔多20至＄30一盒㗎！偶然食下啦

Marketplace ，Jason’s supermarket ，一田同埋街市都應該有