減肥秘密武器- 小甜椒

雖然話每一餐最好都要食返一兩碗蔬菜，就又健康又飽肚⋯但當樓下翠華嘅一細碟焯芥蘭已經要成差唔多＄30⋯我真係唔捨得叫😂

所以我有減肥秘密武器- 小甜椒！一洗乾淨就食得，超清甜爽口，一食就愛上！食五隻已經等於一份蔬菜，而且已經係全日所需維他命C嘅兩倍！仲高過60粒車厘茄嘅維他命C啊！有助美白、淡班、增強免疫力！

而且有多種抗氧化物，例如胡蘿蔔素、檞皮素、辣椒紅素等等，抗氧化能力比車厘茄和青瓜更高，有助預防血管栓塞、抗老化、抗癌！

生食就爽脆啲～而如果你好似我咁有三文治機，仲可以烤返3分鐘先食添！更香甜好食！😋😋😋
#對食物的堅持