《極速五分鐘準備 墨西哥芝士粟米》

《極速五分鐘準備 墨西哥芝士粟米》

之前去過尖沙咀區R&B食一個墨西哥炭燒粟米($48)，在原條炭燒粟米上舖滿芝士碎，撒上了辣粉，非常惹味！

到現在仲係念念不忘，便決定自己在屋企弄一個簡易版。只需5分鐘準備，4種材料，不用$15成本，就可以弄出一道低脂健康的墨西哥芝士焗粟米！

1.) 首先把一盒地們粟米粒倒出，瀝乾水份，再加入一湯匙低脂蛋黃醬和1-2茶匙辣椒粉(paprika powder) 拌勻。

2.) 把拌匀的粟米粒放在烤盤上，撒上20克芝士碎放入焗爐。以190度烤焗十分鐘就可以了! 拿出來時香噴噴熱辣辣，食啦! 可再撒上辣椒粉或青檸汁享用~

我個人較喜歡芝士碎選用parmasan cheese ，因為芝士味較香濃。喜歡拉芝士絲的朋友則可選用pizza plus(mozarella+ cheddar + parmasan cheese) 。兩者營養價值分別不大，都係咁肥，減肥朋友唔好落太多呀！

而低脂蛋黃醬用邊隻呢? 你可以選用Kraft或Hellmann's(我用Hellmann's)，不過用一湯匙便好了，因為每一湯匙約35卡。

如果想加多啲又唔想肥，可以選用Kraft Fat Free 蛋黃醬，每一湯匙約10卡，不過加約2湯匙好了，否則會出水的!

這剛好是兩人下午茶份量，每份只有155-163卡，相等於1.5份五穀類 + 0.5份蛋白質類+1份脂肪。粟米的纖維較高，可增加飽肚感。減重朋友都可以食，減都要食得夠滿足夠飽嘛!