《秋冬滋潤食譜 木瓜雪耳紅棗糖水》

近年燜燒罐大受一眾OL歡迎，連我都忍唔住要加入燜燒罐行列。早幾日買咗維他牛奶，加$169就換到個Thermos燜燒罐試下喇！好多減磅朋友都同我分享，話用燜燒罐煮嘢食好方便，最緊要唔駛「睇火」，輕輕鬆鬆就煮到粥、麵、糖水等等！搞到我都心思思想試下，宜家就同大家分享下我嘅燜燒罐成果啦！

今次想介紹俾大家嘅係能夠美顏滋潤嘅「木瓜雪耳紅棗糖水」。秋冬天氣咁乾燥，唔想皮膚乾爭爭，可以飲呢款糖水滋潤下！木瓜同紅棗都含有豐富胡蘿蔔素，能夠喺體內轉化為維他命A，幫助平衡油脂分泌，抵抗自由基對皮膚的侵害；而號稱「平民燕窩」嘅雪耳就含有植物性膠原蛋白，有助保持皮膚細嫩有彈性。

而且三種食材都係高纖飽肚，可以減低進食其他油膩零食嘅慾望。豐富的膳食纖維仲可以促進腸道蠕動，有助滑腸排便添！呢款糖水做法好簡單，準備時間只需10分鐘，然後焗2-3個鐘就食得啦！

份量：木瓜1/4碗、雪耳1/5個、紅棗2粒、水一碗

做法：
1. 將雪耳洗淨，浸泡在水中數小時或過夜。
2. 倒100度滾水入燜燒罐，關上罐蓋，暖罐5分鐘。
3. 同時將木瓜去核去皮，切粒。把紅棗切半，去核。
4. 倒出燜燒罐中的水，將雪耳、木瓜、紅棗放入罐內，加入滾水泡浸1分鐘，關上蓋以加熱材料。
5. 把滾水倒掉，再快速注入新的滾水，關上蓋，焗約2-3小時，即可享用！

煮食小貼士：
1. 木瓜和紅棗已有天然的甜味，不需要再加入糖分。若嫌味道略淡，進食時可以加入一至兩茶匙黃糖或低卡甜菊糖調味。
2. 不同品種的雪耳有不同口感。若你喜歡爽口的口感，可以選擇紋密而結實的雪耳。
3. 把食材切得越細粒，食材越容易受熱而變得稔軟，也更容易釋放出味道。

換購THERMOS燜燒罐詳情﹕http://www.vitavitasoy.com/thermosredemption2016/