《減肥減膽固醇 高纖Muesli推介》

致肥之選！

前兩日做完LIVE ，有好多客即刻去咗shopping買早餐穀物片，亦都WhatsApp俾我問邊隻Granola或Museli最健康。等我同大家重溫一次啦！

首先解釋多次佢哋係咩嚟先～Granola 同muesli 最主要嘅材料都好相似，都係以燕麥同高纖五穀類為主，通常會再加果仁同乾果。所以一般嚟講，每一百克內都有8-13克膳食纖維，有助降膽固醇同腸道健康。

不過最大嘅分別係，Granola通常加咗油同糖（或蜜糖）烘脆，所以熱量會較高。再提一次，食一碗卡樂B就已經有442kcal，有成12.5粒方糖同3茶匙油架啦！食少少當零食好啦！

如果你想減磅，最好揀Museli，因為當中保留咗原本穀物嘅纖維同營養，而且通常都冇額外再加油同糖㗎！

以中等身形女仔嚟講，每朝食半碗（50克）muesli 就夠啦，可以再加一杯奶同一杯乳酪。不過每個人體重唔一樣，大家可以按照自己嘅餐單去安排早餐嘅份量！我幫大家換算晒每種牌子嘅份量㗎啦！

50克（約1/2 碗）= 一分五穀類+ 一份水果+一份脂肪

50克（約1/2 碗）= 一份五穀類+ 一份水果+一份脂肪

50克（約1/2 碗）= 兩份五穀類+ 一份水果

呢包俾記者姐姐拎走咗！
50克（約1/2 碗）= 一分五穀類+ 一份水果+一份脂肪