傳媒分享 - 3粒金莎熱量等於1碗飯 「低糖」曲奇卡路里一樣高

3粒金莎熱量等於1碗飯 「低糖」曲奇卡路里一樣高

新年成屋都係各式各樣的賀年糖果，咪以為細細粒就唔肥，營養師就話食3粒朱古力熱量已經肥過一碗飯。 

澳洲註冊營養師謝詠瑩表示：「食3粒金莎或者樂家杏仁糖一類的朱古力，卡路里等於200kcal，每1粒都有1茶匙油和1茶匙糖，所以食3粒的話熱量已經肥過一碗飯，要消耗卡路里大約要跑步半小時。」 

有人以為黑朱古力的卡路里會比較低，其實黑朱古力的可可成分更加高，可可油多，所以卡路里跟白朱古力和牛奶朱古力其實不相伯仲。 

至於曲奇，5塊曲奇已經等於1碗飯的熱量，大約有200卡路里，3茶匙油和1至3茶匙糖。 

營養師補充，「食4塊蝴蝶酥等於1碗飯，3茶匙油。大部分蝴蝶酥都用牛油或酥皮油去製造，當中的飽和脂肪和反式脂肪比較多，增加患上心血管毛病的風險。而市面上有售賣聲稱低糖蝴蝶酥或曲奇，但可能是用了海藻糖或椰子花糖一類的代糖，當中的卡路里跟普通砂糖一樣，但比砂糖有較多的礦物質，例如鐵質或鋅質，不過相距並不大。但其升糖指數會比較低，令血糖會比較平穩，卡路里同用砂糖造的蝴蝶酥差不多，熱量可以只相差10%。」