《低脂鮮果乳酪雪條》

最近見好多人去銅鑼灣買新鮮水果雪條，一支＄38-42，都唔平呢。其實自己整一條唔駛$10，而且好容易架咋～ 又健康又好味！每條只係約80卡，仲低卡過一杯脱脂奶!

做法：將一碗低脂原味乳酪加入半碗新鮮士多啤梨蓉(或一個熱情果)和2-3包代糖攪勻，將鮮果乳酪放入雪條模，加入心形士多啤梨粒（可略去），放入冰格雪藏至少4個鐘頭，咁就成為兩條輕盈瘦身雪條喇！