《夏日消暑椰子特飲》

《夏日消暑椰子特飲》

炎炎夏日好想飲汽水？不如轉飲椰子水啦！椰子水味道清甜解渴，而且好處多多，所以最近被譽為天然健康飲品！
椰子水提供豐富既礦物質如鉀質、鎂質和鈉質，可以補充戶外活動時流失的電解質。假如大家成日行山同踩單車，咁就可以揀飲水或椰子水去補充小量電解質。


椰子水除咗有電解質，仲要係零脂肪零膽固醇。而且椰子水屬於低糖飲品，比起運動飲品同汽水既糖份低約一半，所以算係一個較健康既天然飲品。不過「低糖」即係指每杯都仲有2-3茶匙糖，所以每日最多飲兩杯好喇！每個人既餐單份量唔同， 你哋可以自由換算一杯椰子水為餐單上既一份水果。

至於揀邊隻牌子好呢？比較牌子時，最緊要睇成分表（ingredients list)，列明100%椰子水(coconut water)，沒有添加糖和防腐劑。 以下呢兩款都可以。

我特別用椰子水整咗兩個夏天消暑特飲，大家睇吓鍾唔鍾意呀~鍾意記住like或者 facebook msg 我。若反應良好既話，我會再整多啲特飲俾大家參考~

一杯椰子水  +  一杯士多啤梨和雜莓  +  6片薄荷葉
士多啤梨和雜莓含大量抗氧化營養素和維生素C，有助美白抗衰老，最啱貪靚既女士們~

一杯椰子水 + 半杯菠蘿粒  + 半個橙  +  一片青檸  + 6片薄荷葉
菠蘿粒、香橙和青檸都含豐富維生素C，有助增強免疫力~