《橄欖油和牛油一樣致肥》

話說我同三個客食lunch，一開始食餐包時，枱上放咗橄欖油同牛油。我諗都冇諗過就塗咗牛油。

客人NN:「哦！營養師你做咩食牛油！」

我：「咩吖！我咪同你講過，牛油同橄欖油嘅熱量差唔多，每一茶匙大約有45卡，都係同樣咁致肥，你唔係唔記得呀？」

另一個客人KK:「係咩！咁咪即係查牛油抵啲？牛油好味咁多！」

我：「以卡路里嚟講，兩者的確係差唔多咁高卡。有好多人以為橄欖油健康，就特別食多啲，咁有可能攝取更多卡路里，更加容易致肥！不過橄欖油比牛油有較多不飽和脂肪，所以對心臟比較健康！」

客人NN對我講:「車！我記得兩者都係咁高卡路里呀！我係指，兩樣都咁肥，營養師你做咩食呀！」

我：「哈哈！我今日陪你哋食「放假餐」嘛！我食左少少咋！嚟緊我會自動食返「特別餐」或者做運動抵消返熱量架啦！」

所以大家都要小心啲，無論係花生油、橄欖油、牛油、豬油，熱量都差唔多！所以都要控制住每餐份量呀！