《高纖麥麩片 便便暢通冇難度》

今朝收到客人嘅WhatsApp，話身邊嘅人開始改食高纖穀類早餐，我覺得好開心啊！雖然大家素未謀面，但我覺得可以喺Facebook 以生命影響生命，令大家食得健康啲，我覺得好有意義呀哈哈哈哈！

尋晚live時，好多人都對麥麩片有興趣，因為佢嘅纖維比muesli/granola 高出三至四倍！而且當大部份都係非水溶性纖維，有助促進腸道蠕動，加快排出便便！我特別推薦呢兩隻牌子，大家都可以考慮一下！

1. All bran - 一碗（60克）已有16克纖維，已經滿足全日所需纖維的64%！
2. Smart bran(有機） - 一碗(60克）更加有26克纖維，食一碗已經夠晒全日所需！除咗有助腸道健康，當中更有6克係水溶性纖維，有助降低膽固醇，有益心臟健康添！

味道呢⋯梗係唔夠卡樂B水果麥片咁好食㗎啦，不過健康好多喎！大家可以試下食半碗麥麩片，再加新鮮水果、提子乾、果仁碎同乳酪一齊食，咁就好味D啦！