《營養標籤陷阱 Part 1- 梳打餅可能仲肥過薯片？》

梳打餅乾爭爭，最適合減磅朋友食？NO! 梳打餅暗藏殺機，分分鐘同薯片一樣咁高脂！
(小聲:早知食薯片啦！）

我冇呃你架！呢包魚脂梳打餅每100克已有30克脂肪，而根據食物安全中心指引，每100克食物總脂肪含量超過20克，就叫做高脂喇！而且大部分都係棕櫚油，所以飽和脂肪較高，食得多會容易增加膽固醇！

但有時下午茶，肚仔開始有啲餓，總會想搵啲餅乾食下嘅！唔使擔心，等我先介紹4款較健康梳打餅俾大家啦！下回再介紹點揀麥餅同甜餅乾！