點解唔開心時鍾意食甜品？

點解唔開心時鍾意食甜品？🤔🤔🤔
原來係身體自然反應嚟架！因為糖分可以幫身體提升血清素，令人開心啲！

不過大部份甜品都係低蛋白質低纖維，一般都消化得好快，釋放大量糖分入身體。接住落嚟，身體會製造胰島素去快速降低血糖，咁心情又會再次低落。所以食甜品只可以令人短暫改善情緒！

不過⋯知識同實踐永遠係兩回事。尋日做嘢突然做到好唔開心時，都係捉咗媽咪陪我食甜品。雖然高卡路里，但鬆餅真係好香蛋味，口感煙韌鬆軟，食完真係開心晒！肥都肥得「抵」😂

好啦，都係偶然一次姐，聽日再食返健康啲！其實唔開心時最緊要搵人呻下傾下，唔好俾自己長期陷於唔開心嘅地步，然後一直暴飲暴食落去！否則身體會負荷唔到！

好在我有媽咪呢個避風港！聽完媽咪嘅人生哲理，我嘅正能量又返晒嚟啦