《減肥必學！一分鐘微波爐芝士炒蛋》

講個減肥秘訣比大家聽- 高蛋白質早餐有助減肥！有多個研究顯示，高蛋白質早餐可以提升飽肚感、減少全日食零食的慾望！🎉🎉🎉

不過我知道，朝早趕住出門口，冇時間煮早餐慢慢食，食完仲要洗碗⋯所以等我介紹個1分鐘微波爐炒蛋方法俾大家啦！😋

方法：將一隻蛋打進一個碗內，均勻打發好後，再加入半塊至一塊芝士（搣碎）。放入微波爐用自動模式（中火）加熱20秒，攪拌一下後，再加熱10秒，重複至雞蛋煮至自己喜歡的熟度。加少量鹽和黑椒調味。搞掂！

配埋塊厚多士同高鈣飲品就啱啱好！哈哈食完個碗一啲油都冇，用水沖一沖就乾淨，走得！
祝大家過一個good good good morning ! ❤️❤️