《營養師推介- 10款低脂低糖乳酪》

❤️
乳酪含有豐富維他命B雜同優質蛋白質，係增肌減脂嘅好幫手！仲可以有益骨骼同腸道健康添！💪🏻
但市面上咁多種乳酪，究竟點揀低糖、低脂、高蛋白質？之前做live時同大家解釋過，不過等我出多一個文字版，同大家分享下重點啦！

1. 無添加糖- 奶本身有天然乳糖，所以標籤上一定有少少糖。反而要睇清楚食物成分表上（ingredient list)上無加果糖、砂糖或蜜糖等添加糖份，就已經係健康之選。
2. 低脂- 每100克少於3克脂肪。
3. 活性乳酸菌- 乳酸菌要係活性，先可以幫助促進腸度蠕動！
4. 高蛋白質- 乳酪中嘅蛋白質有助增加飽肚感，減少食零食嘅慾望。比較過市面上嘅乳酪，一般乳酪每100克有4克已經唔錯，而希臘式/希臘乳酪則應該每100克有多一倍（8克）。
5. 禁止使用激素的國家製造- 包括歐盟（瑞士/意大利）、澳洲、紐西蘭、日本、加拿大等。

我已經幫大家去咗幾間超級市場去搵唔同品牌嘅乳酪，符合以上五個條件。已經幫大家整理為一個表格，等大家可以越食越fit! ❤️❤️