《健康母親節大餐食譜 - 紅酒牛𦟌》

星期日就係母親節，大家決定咗同媽咪點慶祝未呢？想祝願媽咪身體健康開開心心，不如煮個健康嘅母親節大餐啦！❤️❤️

呢個紅酒燴牛展既低脂又好味，等我分享完整食譜連詳細步驟相俾大家啦！好多客人試整過都覺得出奇地簡單，只要用30分鐘準備，再放入焗爐/用細火煮多兩三個鐘就可以啦！而且屋企人仲好鍾意食添！😋

好想同大家分享最近一樣令我好好好滿足嘅事情，我個客嘅媽咪本身對營養師好抗拒，成日以為營養師只會叫人清蒸白烚、食少啲。個囡最近跟呢本書煮下焗豬扒飯、日式牛肉飯等等，令佢發現原來健康食物都可以好好味好飽肚，所以最近好鼓勵個女繼續努力減磅，甚至好興奮咁叫囡囡多啲跟住本書煮俾佢食。我覺得「健康飲食習慣是可以感染的」，只要你由自己做起，堅持推廣出去，一定會令自己同身邊嘅人都越食越健康。