《清甜蘋果推介- 蘋果應該食皮嗎？》

真心推介🎉🎉🎉姑媽最近買咗呢個Joly Red蘋果，全家都讚好！姑媽話係比利時入口架喎！
呢個蘋果真係好清甜爽口，而且比一個拳頭仲要大，一日食一個就滿足晒全日所需嘅水果份量！

重點係咩？$5一個咋！$5就已經可以提供大量抗氧化營養素，包括檞皮素、綠原酸等等，抗氧化營養素有助延緩老化，甚至減低患上癌症、血管梗塞和糖尿病風險！唔怪得知話「一日一蘋果，醫生遠離我」！

姑媽話喺街市買，超市暫時仲未入貨！大家快啲入貨啦！😋😋😋

後補：蘋果應該食皮嗎？好多人都怕蘋果皮有蠟。其實曾經有研究講過，300個蘋果先至會用到1克嘅食用蠟，而且成份最主要都係植物油，係安全食用。😊
蘋果嘅皮有好豐富嘅抗氧化營養素同纖維，所以我會連皮食啊！