《超鬆軟！零失敗疏乎厘鬆餅》

上星期六喺the pantry食完疏乎厘鬆餅，真係好鬆軟好好味！不過一碟都要百幾蚊，為咗慳錢，決定自己試吓整！材料好簡單，唔使＄20就整到兩人份量！整咗出嚟，鬆餅非常鬆軟濕潤，入口融化，空氣感滿分！😍😍😍

其實整鬆餅漿好容易，只係煎嘅時候要好俾心機慢慢等候！我整咗兩次，揀咗個最好味嘅食譜分享俾大家，仲寫埋啲小貼士，包保大家第一次就成功！幫大家計晒卡路里，至少比街外嘅疏乎厘鬆餅低脂低糖，咁大家就食得安心啦！😋😋😋

材料：（兩人份）
雞蛋黃 2隻
低筋麵粉 3湯匙（約30克）
雲呢拿油 1茶匙
泡打粉 1茶匙
檸檬汁 2湯匙
脫脂奶 2湯匙
雞蛋白 4 隻
砂糖 2.5湯匙（約40克）
無鹽牛油 2茶匙

做法：

1. 將雞蛋和蛋白分別放入兩個大盤中。

2. 在雞蛋黃的大盤中，加入脫脂奶、雲呢嗱油攪拌均勻。篩入麵粉和泡打粉，拌至沒有粉粒，成蛋黃漿。

3. 在裝蛋白的大盤中，用攪拌器打發蛋白，將三份一的糖加入蛋白中，繼續攪拌，加入檸檬汁和1/3的糖，攪拌30秒後再把餘下的糖分加入，攪拌至硬性發泡。（把盤倒轉，蛋白也不會掉下來）

4. 分三次把蛋白和蛋黃醬拌勻，成薄餅漿。

5. 用細火燒熱易潔鑊，放上焗爐紙，在上面加入牛油。

6. 待牛油完全溶掉，將粉漿倒入。在易潔鑊中加入兩湯匙水，加蓋，開細火煎約20-30秒後熄火。不要開蓋，蒸焗三分鐘至鬆餅表面變色。

7. 開蓋，將鬆餅反轉，再加入一湯匙水，開細火煮30秒後，加蓋蒸焗至金黃色，上碟。

8. 食用時淋上無糖楓糖漿及加上水果，即可享用！

煮食小貼士：
1. 焗爐紙可以減少黏鑊的情況，減省牛油的份量。
2. 加入水可以令鬆餅更濕潤。我的易潔鑊傳熱比較快，所以微微煎後我一定要熄火，否則會燒焦呢！
3. 記住用日本雞蛋，會更香蛋味！
4. 一定要用砂糖先可以令蛋白變硬身，我已經減到最低份量，比起街外嘅鬆餅再加糖漿/雪糕食已經健康好多。唯有食完鬆餅嗰日就唔再食甜品啦！
5. 嫌麻煩嘅話，我本《79個簡易護膚食譜》有個香蕉燕麥鬆餅，只要將所有材料放入攪拌器攪拌， 唔需要用任何牛油就煎得！更低脂更低糖！

份量換算：（每份）
256卡
(2份五穀 + 1份蛋白質+ 1 份脂肪)