超簡單薑蔥炒蟹食譜、鹽焗鯽魚食譜

呢個係今晚我煮俾屋企人嘅聖誕大餐！加埋都唔駛＄150！最近三星蟹當造，一份七隻只係$30！

超簡單薑蔥炒蟹食譜：
落2茶匙油，燒熱易潔鑊，炒香薑蔥（約5-6片薑加2棵蔥）。下蟹件和3湯匙米酒，加半碗水煮至蟹件變色，加蓋煮5分鐘。下2-3茶匙生抽、1茶匙糖、1-2茶匙粟粉調味，即成！

鹽焗鯽魚食譜（$32）：
將香茅、蒜頭、指天椒、檸檬葉放入魚肚中，加粗鹽包住，放入焗爐以220度焗25-30分鐘。

今晚仲有蒜蓉蒸象拔蚌（$69）同炒麵烚菜！都係喺屋企食最經濟實惠最健康！