《寒冬必食豬潤 唔驚高膽固醇》

天氣咁凍食乜好？唔想手冰腳凍？
我最鍾意天氣凍時食豬潤通粉補血！豬潤嘅鐵質係牛肉嘅6倍，鐵質有助製造紅血球，會令人倍感精神暖和呢！進食110克（約手心大小）就已經可以滿足女性全日所需的鐵質（18毫克）！而且當中含豐富維他命A以增強免疫力和平衡皮膚油脂分泌，仲有維他命B雜去維持身體新陳代謝添！

我公司樓下嗰間勤記嘅湯底超好味，我成日都介紹啲客， 好多人都好鍾意！因為湯底加咗薑，去除豬潤嘅血腥味之餘，仲熱辣辣，我次次都忍唔住飲埋啲湯底！

咪住！唔驚豬潤高膽固醇咩？唔驚！2016年美國全民飲食建議已經作出飲食建議的更改，刪除對高膽固醇食物但低脂食物的建議，指出其對血內膽固醇影響並不顯著。當中「解禁」食物包括豬潤、魷魚、蛋黃。相反，其他一到寒冬就大受歡迎嘅牛腩煲羊腩煲雞煲，就含高飽和脂肪，食得太多會增加心血管毛病風險，大家就真係要小心啲啦！