《慳錢有營系列 1 - 譚仔蕃茄米線》

有時喺餐廳想食蔬菜，但我又唔係好捨得成十幾廿蚊食一碟⋯ 心裏面總會諗：「明明果幾條菜係街市賣幾蚊咋嘛⋯」

所以最近我鍾意去譚仔食番茄湯底（10小辣）米線，貪佢多新鮮番茄粒，食完都幾飽肚。每半碗番茄為一份蔬菜，而蕃茄裏面嘅茄紅素可以抵抗紫外線對皮膚嘅侵害，夏天食就啱晒！

配料方面，我會揀一份低脂新鮮蛋白質，好似豬潤、牛肉、豬肉、雞肉。如果肚餓嘅話，我就會點多份蔬菜，例如冬菇、金菇、木耳絲、生菜、韮菜、芽菜戓竹笙，咁就夠晒飽啦！

唔好話我長氣，再提大家一次，腐竹係由豆漿煮滾時，浮面嘅豆油凝固而成，所以每100克有4茶匙油架！減肥人士就記住嗌走腐皮啦！

#慳錢系列 #減肥都可以食得平  

#密切留意我的一星期健康午餐系列 

#如果譚仔見到可唔可以打個折扣俾我